[Translation.]
No. 482 of 1882.—Pukapuka-inoi a Watene Te Ranginui me etahi atu 8.
Ko nga kai-pitihana no Ngatiapa e ki ana i te tau 1880 i whakaae ratou ki te hoko i o ratou hea i Otairi mo te whitu hereni me te ono kapa mo te eka riro ana i a ratou te £500 hei taunaha, i te tunga o te Kooti i taua tau ano i whakataua kia ratou te 3,843 eka; na i runga i te tunga o te Roia mo te taha Kawanatanga katahi hoki ka whakaturia he Roia mo nga kai-pitihana pau ana te £360 o a ratou moni i runga i taua mahi. E tono ana ratou kia utua mai ano tenei moni ki a ratou, kia whakaaetia ranei kia whakahokia atu e ratou te £500 i utua nei e te Kawanatanga hei taunaha, kia takoto watea ai ano to ratou whenua.
Kua whakahaua ahau kia ki penei:—
I whakaae ano te Kawanatanga kia whakahokia atu ano taua moni taunaha mo runga i te whenua o nga kai-pitihana, utua ana taua moni i te 21 o Akuhata kua pahure nei. Ka panuitia i naianei kei te takoto watea taua whenua.