[Translation.]
No. 126 of 1882.—Pukapuka-inoi a Hemi Mohi meetahi atu 8.

E Ki ana nga kai-pitihana i hoko ratou i to ratou whenua i Tauwhare i runga i te mahi whakawehiwehi a te Apiha a te Kawanatanga, e ki ana hoki i moumou o ratou purapura witi, taewa, me nga whare, nga parau, nga hoiho me era atu mea i te wa i tangohia ai taua whenua. E inoi ana kia whakaorangia to ratou mate.

Kua whakahaua ahau kia ki penei:—

Kua roa e tau ana te raruraru mo runga i tenei mea, e ki ana hoki nga Maori i whakawehiwehia ratou, me te whakahe a Maiho i taua kupu. E mahara ana te Komiti me ata rapu nga tikanga e Te Kawanatanga me patai ki etahi atu tangata kihai nei i pa atu ki taua mahi, kia mohiotia ai te ahua o te mahi a Maiho, kia taea ai te whakamarama te whakaoti ranei i taua mea. He mea pai kia tukua he tangata o waho tangata matau hoki ki reira tonu ki te whiriwhiri i te take o taua mate, mohemea hoki he mate, kia whakataua rawatia taua mahi.