[Translation.]
No. 389 of 1882.—Pukapuka-inoi a Renata Ropiha me etahi atu 87.

E Ki ana nga kai-pitihana i te hokonga o te poraka whenua i Rangitikei-Manawatu, e toru nga hapu o Ngatiraukawa, ara, ko Ngatirakau, Ngatitoa, me Ngatituranga kaore i haina i te Tiiti tuku i te whenua, kaore hoki i tango i te moni o te hoko; i runga i te tikanga Maori ko nga kai-pitihana nga tangata whaitake ki te poraka whenua o Himutangi, na runga i nga tikanga whakahaere a te Kawanatanga i herea etahi o nga moni reti a nga pakeha mo nga whenua i a ratou i roto i taua poraka, na i te wa e kiia nei i whakaritea, e £500, e toe ana kia utua ki nga kai-pitihana, kaore ano nei kia utua kia ratou; ko taua moni me nga hua e rite ana i naianei ki te £1,250, e ki ana te Kawanatanga kua utua katoatia au reti i herea ra, heoi ano nga moni e toe ana e £66 2s. 1d.

Kua whakahaua ahau kia ki penei:—

I runga i te tono a Te Pura Roia a nga kai-pitihana, e whakaaturia mai nei e te mema nana i tuku mai te pitihana, ka nukuhia atu te whiriwhiringa i tenei pitihana; kua tata hoki ki te mutunga o te paremete e kore e taea e te Komiti te tino whiriwhiri i nga putake katou e uru ana ki tenei raruraru; na e ki ana te Komiti me ata whiriwhiri marire e te Kawanatanga tenei mea, ka whakarite ai i runga i te huarahiti tika kia o pai tenei raruraru o mua rano.