[Translation.]
No. 307 of 1881.—Pukapuka-inoi a Waata Piaka me etahi atu 19.
E ki ana nga kai-pitihana i he to wehenga a te Kooti Whenua Maori i Whakatahataha, a, kaore hoki i whakaae ki etahi ingoa tika kia uru ki roto ki te Tiwhikete Whaitaketanga. E ki ana ratou i te aroaro o te Kooti taua whenua i te tau 1878 me te tau 1879. E tono ana ratou kia whakawakia tuaruatia taua whenua kia ahei te whakauru etahi atu ano ingoa ki roto.
Kua whakahaua ahau kia ki penei:—
I te tononga kia whakawakia tuaruatia taua whenua kaore i tika te tono; engari kaore te Tari i Akarana i mohio he tono whakawa tuarua taua tono, na reira kua pahure i naianei te takiwa tika hei tono nga whakawa tuarua. E mea ana te Komiti ma te Kawanatanga e whiriwhiri te tikanga o taua whenua.