[Translation.]
No. 340 of 1881.—Pukapuka-inoi a Maihi Paraone Kawiti me etahi atu e 40.

E Ki ana nga kai-pitihana ko to ratou kainga kei Pei Whairangi. E ki ana ratou kei te ruritia he raina rerewe ma runga i to ratou whenua i Opua ahu atu ki te Kawakawa. E whakahe ana ratou ki te ki a te Kawanatanga me nga Mihinare no ratou taua whenua. E inoi ana ratou kia tu he Komihana hei whiriwhiri i o ratou take ki taua whenua kia kore ai to ratou mate.

Kua whakahaua ahau kia ki penei:—

He whenua a Opua i uru ki roto ki tetahi whenua nui e takoto tiaki ana i te Hahi Mihinare; na ko nga Kereme o nga Mihinare i oti ki roto ki tetahi Karaati. i te tau 1851; na ko te toenga o taua whenua ko Opua, heoi riro ana i te Karauna i runga i te ture toenga whenua.