[Translation.]
No. 163 of 1881.—Pukapuka-ino a Retireti Tapihana, a Ieni Tapihana, me Piripi Tapihana (Nama 1):
E Ki ana nga kai-pitihana, i pitihana ratou mo runga i o ratou kereme i te tau, 1877; na tu ana te whakawa whiriwhiria Meiha Mea i aua take; i te marama o Tihema, 1880, ka tuhi ratou ki te Pirimia, na ko te whakahoki mo taua reta he ki atu kua whakahaua a Meiha Mea kia ripoata mai i runga i aua kereme; heoi i muri iho i tena kaore ano ratou i rongo kei te pewhea ranei taua mea. E inoi ana nga kaipitihana kia tere tonu te whiriwhiri i o ratou take, a kia whakahokia hoki ki a ratou nga moni i pau i a ratou i runga i te haere kite aroaro o Meiha Mea.
Kua whakahaua ahau kia ki penei:—
I tuhia atu ano he reta ki a Ieni Tapihana i te 10 o Hune, 1881, whakaatu mo te ripoata a Meiha Mea, ko te kupu o roto i taua ripoata i mea kaore he take o nga kai-pitihana i raro i nga tikanga Maori ki te whenua i Orakau i whea atu ranei o roto i te rohe o te Rau-patu.
Tetahi i utua ano nga haerenga o nga kia-pitihana i runga Tima i runga Rerewe i to ratou haerenga ki te korero i o ratou take; heoi kaore he kupu a te Komiti.