[Translation.]
No. 64 of 1881.—Pukapuka-inoi a Meiha Te Wheoro (Nama 1).
E Ki ana te kai-pitihana ko nga moni e £75 e toe tonu ana hei putanga atu ki a ia mo te toenga o te moni o Karioi. E tono ana ia kia utua taua moni.
Kua whakahaua ahau kia ki penei:—
E kitea ana no te tau 1855, i te hokonga o Karioi, ka whakaputaina e Te Rokena tetahi poromihi nooti mo nga moni e £75, ko tetahi wahi tera o te moni hoko. E whakaaetia ana e Te Rokena te rironga i a ia o etahi moni i te 15 o Hanuere, 1856, a no te 10 o Hurae, 1856, ka whakaaturia mai e ia tona utunga i aua moni tae noa ki taua £75, te moni toenga o Karioi. I te 11 o Hanuere, 1878, ka tuhia e Tiati Rokena ona kupu mo runga i tetahi reta mai a Meiha Te Wheoro i penei tona ki, "Kua utua katoa nga moni mo Karioi." Na i runga i te mea kua kore i te Tari Moni te ingoa o Tiati Rokena mo aua moni i tukua atu ra ano tena, i rite i a ia te tuku mai i te pukapuka whakaatu mo te paunga o aua moni.