Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Reports of the Native Affairs Committee, 1880.

[Translation.] — No. 353 of Session II., 1879.—Pukapuka-inoi a Kitohi (Rev. W. Gittos)

[Translation.]
No. 353 of Session II., 1879.—Pukapuka-inoi a Kitohi (Rev. W. Gittos).

E Ki ana te Kai-pitihana kua 15 nga tau i mate ai a Wi Apo, i whai take ano a Wi Apo ki te poraka whenua o Pakiri; no muri nei ka hokona a Pakiri e te Kawanatanga e £400 o te moni hoko i tika kia puta ki aua tamariki tokorua a Wi Apo i waiho nei ma te Kai-pitihana e tiaki; ko Arama Karaka, he rangatira Maori, raua ko Te Hiana (Mr. John Sheehan) nga kia-tiaki o aua whenua ma nga tamariki a Wi Apo. Hainatia ana e Arama Karaka he tiaki mo te £20. Hei utu i te kuranga o aua tamariki, tukua atu ana e te Kai-pitihana ki a Te Hiana (Mr. Sheehan) kia hainatia hoki e ia ka tuku atu ai ki te kauta a te Kai-pitihana i roto i te peeke, tangohia mai ana aua moni e te Hiana i te peeke engari kaore i homai ki te Kai-pitihana kaore hoki i utua ki tana kauta, na te Kia-pitihana ano i utu ki ana moni ake, kihai i whakahokia ki a ia, kaore hoki i whakaaturia ki a ia te paunga o nga moni i tangohia mai nei e Te Hiana (Mr. Sheehan) i te peeke; tetahi hoki kaore ano i riro mai i nga tamariki a Wi Apo a raua moni mo te whenua a to raua matua i Pakiri.

E inoi aua te Kai-pitihana kia whiriwhiria kia whakaputaina hoki he oranga. E inoi ana hoki te Kaipitihana kia whiriwhiria nga take a etahi Maori ki etahi wahi whenua e kiia nei i whakaurua hetia ki te poraka whenua o Pakiri.

Kua whakahaua ahau kia ki penei:—

Mo runga i te £20 e kiia nei i tukua atu e Te Kitohi (Rev. Mr. Gittos) ki a te Hiana (Mr. Sheehan) e whakaatu mai ana nga kupu a nga kai-whakapuaki i tukua atu ki a Te Hiana (Mr. Sheehan) he tiaki mo taua moni i te 8 o nga ra o Tihema 1874, e mau ana hoki tona ingoa i runga, otira kaore a te Hiana e mahara ana ki te rironga o taua moni i a ia, engari no te patainga ka ki a Te Kitohi (Rev. Mr. Gittos) no tana tononga ki a te Hiana (Mr. Sheehan) i te tau 1877, ka ki mai a Te Hiana (Mr. Sheehan) mehemea ka marama te whakaatu mai i te rironga o aua moni i a ia ka whakahokia atu ano e ia aua moni, a kaore hoki i tukua atu e te Kitohi (Rev. Mr. Gittos) aua kupu whakamarama i tonoa ra kei te takoto tarewa tonu taua tono mo aua moni.

Ko tera taha o te pitihana e pa nei kia Arama Karaka, kua whakakataua ano i te mahinga i te pitihana a Arama Karaka.

Ko te kupu whakamutunga e ki nei i he te urunga o Mangawhara ki te ruritanga o Pakiri, kei te pohehe ia ki nga putake kua oti noatu hoki te mahi i roto i tetahi atu whakataunga.

26 Akuhata, 1880.