[Translation.]
No. 355 of Session II., 1879.—Pukapuka-inoi a H. Tarawhiti.
E ki ana te Kai-pitihana i whakaaetia tetahi Karauna karaati ki a ia mo tetahi whenua e 50 eka kia tiakina e ia hei wahi mo tetahi kura Maori, engari kaore ano kia puta taua karaati. Heoi e inoi ana ia kia wawe te whakarite i taua mea i whakaaetia ra.
Kua whakahaua ahau kia ki penei:—
No te tau 1842 ka tukua tetahi piihi whenua ki te Hahi Mihinare e nga whanaunga a te wahine a Tarawhiti hei wahi mo te Kura, na no te tau 1867 ka tukua ano tetahi piihi nui atu i tera—e rua nga wahi urupa kei roto i te piihi i tukua nei i muri. E hiahia ana a Tarawhiti kia wehea mai aua wahi ki waho o te piihi nui a ka hono atu ki te wahi mo te Kura. He mea uaua tenei erangi i te mea e tika ana te inoi a te pitihana ka whakahau te Komiti kia ata whakaarohia e te Kawanatanga me kore e oti taua mea e tonoa nei.