[Translation.]
No. 301, Session II,—Te Pitihana a Pene te Puna me etahi atu e toru.

E ki ana nga kai-pitihana he tangata Karauna karaati ratou ko etahi he riwhi tupapaku he tane ranei no nga wahine o roto i te Karauna karaati. Na i a Atiporo Hanara me Hemi Wata e pupuri ana nga poraka a Te Awa-o-te-Atua me Kakiraawa, engari e whakahetia ana te hoko. I tuhi nga kai-pitihana i tetahi pukapuka hoko whakatuturu i Hanuere, 1870, ki aua tangata i runga ake nei mo nga moni e £17,500. Ko nga kai-whakahaere o te taha ki nga kai-pitihana i runga i te whakaatu i taua pukapuka ko Henare Rata me Hone Hiana, a i riro i a raua te £17,500. Kaore ano he kaute i tukua ake e Henare Rata raua ko te Hiana ki aua kai-pitihana whakamarama i te whakahaerenga o aua moni. E kiia ana lie nui nga wahi o aua moni i riro ki te whakarite i nga moni i pau i runga i te ture a ko tetahi wahi i hoatu ki roto ki te Peeke. Kua utua ano etahi wahi iti o aua moni ki nga kaipitihana engari kaore ano nga moni katoa e tika ana kia puta ki a ratou. E tohutohua ana nga kaipitihana mehemea e kawea aua i runga i te ture he tikanga kia puta he ora ki a ratou mo taua mate era e nui nga moni e pau a ka whakaroangia haere te mohiotia te taunga ki raro. Kaore hoki he mea i nga kai-pitihana hei whakahaere whakawa heoi ka inoi ratou kia rapua kia kimihia e te Whare nga putake i runga ake nei.

Kua whakahaua ahau kia ki penei:—

E pouri ana te Komiti mo te poto o te takiwa i a ratou hei tirotirohanga e tika ai te whakatau kupu mo runga i nga putake korero o roto i tenei pitihana.