Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Reports of the Native Affairs Committee, 1879, No. 2.

[Translation.] — No. 353, Session II.—Te Pitihana a Wiremu Gittos

[Translation.]
No. 353, Session II.—Te Pitihana a Wiremu Gittos.

E ki ana te kai-pitihana i mate tetahi Maori ko Wi Apo, i nga tau 15 kua pahure ake nei; na i a ia e ora ana i roto ia i tetahi poraka whenua ko Pakiri; a i tukua e ia ona tama e rua ki te kai-pitihana tiaki ai i mua ake o tona matenga. I hokona taua whenua ki te Kawanatanga a ko nga hea o aua tamariki e £400. Ko tetahi rangatira Maori ko Arama Karaka raua ko te Hiana nga kai-tiaki o aua tamariki e noho ana hoki i te kura o Otamatea. No te kore moni hei whangai ka tono atu te kaipitihana ki nga kai-tiaki mo te £20, i kiia kua oti e raua te whakanoho ki tona ingoa. No tona haerenga ki te titiro kaore he moni i tukua ki tona ingoa. E mea ana ano hoki ia kaore ano i riro i aua tamariki o raua hea i roto i taua whenua i hokona nei ki te Kawanatanga. E inoi ana ia ki te Whare kia kimihia nga take katoa e korerotia ana e ia.

Kua whakahaua ahau kia ki penei:—

E pouri ana te Komiti mo te poto o te takiwa i a ratou hei tirotirohanga e tika ai te whakatau kupu mo runga i nga putake korero o roto i tenei pitihana.

12 Tihema 1879.