[Translation.]
No. 376, Session II.—Te Pitihana a Huhana Horehene.
E ki ana te kai-pitihana i pitihana ratou ko tona teina me tona tungane i te tau 1877 ki te Paremete mo to ratou take ki tetahi wahi o te Poraka o Hopuhopu i Waikato engari he kore no te Komiti kaore i kaha i te rarurara ki te kimi korero tonoa ana ma te Kawanatanga e uiui. Ko tetahi wahi o te pukapuka a te Karaka e whakaatu ana i uiuia ano engari kihai ratou nga kai-pitihana i mohio. No mua atu i te whawhai ka mauria ratou e to ratou papa ki Waiuku. No muri i te whawhai ka raupatutia taua whenua. I tu ano teta Kooti whakawa taonga ngaro a ko etahi tangata penei ano te ahua i whakawhiwhia ki te karaati. E wha nga tamariki a te kai-pitihana a kaore ona whenua.
Kua whakahaua ahau kia ki penei:—
E pouri ana te Komiti mo te poto o te takiwa i a ratou hei tirotirohanga e tika ai te whakatau kupu mo runga i nga putake korero o roto i tenei pitihana.