[Translation.]
No. 31, Session I.—Te Pitihana a Reihana Te Ikatahi.

Ko te kai-pitihana he Maori no Haku Pei e ki ana ko ia tetahi o nga tangata o roto i te Karauna karaati o tetahi poraka whenua ko Raukawa East, a e whai take ana ia ki te mahara i tinihangatia ia i tona paanga ki reira i runga i tetahi pukapuka hoko e mea ana kua tuhi ia i tona ingoa, engari ki a ia kaore rawa ia i tuhi. Ka mea te kai-pitihana kua whakamatau ia ki te whakawa i te hara, a kia mau nga tangata i raru ai ia, engari i runga i ona putake ano e whakahuatia ana e ia kihai ia i kaha. E tone ana ia ki te Whare kai whai whakaaro no te mea he koroheke ia a e kore e taea e ia te whakawaha nga whakaroanga me nga pewheatanga o te ture. Na ka inoi ia kia whiua aua tangata nana i mate ai ia me ona hoa o roto i te Karauna karaati, i te huarahi ano e maharatia ana he tika.

Kua whakahaua ahau kia ki penei:—

E pouri ana te Komiti mo te poto o te takiwa i a ratou hei tirotirohanga e tika ai te whakatau kupu mo runga i nga putake korero o roto i tenei pitihana.