[Translation.]
No. 45, Session II.—Te Pitihana a Maikera Maruri.

E ki ana te kai-pitihana no te marama o Akuhata, 1875, ka hokona e ia i etahi Maori e whakahuatia ana i roto i te pitihana tetahi piihi whenua ko Mangaroa No. 2, kei roto i te takiwa o Papatu Pei; £1,300 ana moni i pau ki te whakapai i taua whenua a me te ki tonu a nga Maori he tika tonu tana hoko i taua whenua. Na no runga i tetahi panui i tukua e Te Wirihana Komihana hoko whenua penei ko te hiahia o te Kawanatanga ko te hoko i aua whenua. Ka pa rawa he raru nui ki te hoko a te kai-pitihana a ko ana moni i ruihi tae atu ki te £6,000. No reira ka inoi ia kia whakatuturutia ko ia te tangata nona taua whenua. Kia tukua ranei he utu ki a ia.

Kua whakahaua ahau kia ki penei:—

E pouri ana te Komiti mo te poto o te takiwa i a ratou hei tirotirohanga e tika ai te whakatau kupu mo runga i nga putake korero o roto i tenei pitihana.