[Translation.]
No. 166, Session II.—Te Pitihana a Ieni Tapihana (No. 2).
Ko tenei pitihana a Ieni Tapihana mo tetahi poraka whenua ko Te Puke. I tino hokona taua page 23whenua ki te Kawanatanga engari e mea ana te kai-pitihana kanui to ratou kaha ki te whakahaere i te hoko mo taua whenua a whakaaetia ana tetahi wahi mo ratou. No to tau 1862 ka noho ratou ki runga ki tana wahi, a kei reira hoki e mahi ana inaianei. Ko o ratou tupapaku kei reira e nehu ana. Kei reira o ratou whare e tu ana a kaore ano ta ratou noho i reira kia whakararurarutia. E tone ana ratou kia whakamanaia taua whakaritenga i whakaaetia ra ki a ratou. Kua korero ratou ki a Te Makarini me Te Hiana, kihai ano i oti taua mea.
Kua whakahaua ahau kia ki penei:—
E pouri ana te Komiti i te poto o te takiwa i a ratou hei tirotirohanga ma ratou e tika ai te whakatau i tetahi kupu mo runga i nga putake korero o roto i tenei pitihana.