[Translation.]
No. 159, Session II.—Te Pukapuka-inoi a Taraiti Tamaki me etahi atu.

Ko te inoi a nga kai-pitihana he mea kia whakahokia ki a ratou tetahi whenua ko Opuatai te ingoa. I tukua hetia kia Ngatitipa. I te Kooti ano nga kai-pitihana i te tau 1866 i te whakawakanga i taua whenua, na kihai i whakarongo te Kooti ki ta ratou whakahe erangi i ki kaore he take o nga kai-pitihana no te mea kua mau pa ratou. E ki ana nga kai-pitihana kua noho ratou ki runga ki taua whenua i te tau 1863 a no te tau 1866 katahi ka noho te Kooti. Nui tonu to ratou tohe ki o ratou paanga a tae mai ki naianei.

Kua whakahaua ahau kia ki penei:—

E pouri ana te Komiti mo te poto o te takiwa i a ratou hei tirotirohanga pai ma ratou e tika ai ratou te whakatau kupu mo runga i nga putake korero o roto i tenei pitihana.