[Translation.]
No. 294, of 1878, and 29, of Session I., 1879.—Nga Pukapuka-inoi e rua a Peririka Tatana.
E ki ana te kai-pitihana nona tetahi piihi whenua i roto i te Takiwa o Haake Pei ko Omarunui; i puta ia i te whakawakanga i a ia i roto i te Hupirimi i Kooti me te Kooti tuarua a etahi Maori mo tona take ki taua whenua; na ahakoa nga whakataunga a nga Kooti tangohia ana o aua Maori me etahi atu taua whenua, a whakatetetia ana te Apiha o te takiwa i te haerenga atu ki te pana i a ratou i runga i nga tikanga o te ture me ta ratou ki kore rawa e tukuna e ratou taua whenua kia mate ra ano; na i ki te page 20Apiha i tona whakahokinga i te riti mehemea i puta i a ia taua riti kua tutu te rangimarire, a kaore o ana mea hei whakakaha i a ia ki te turaki i te whakatete a nga Maori mei peratia; a i whakaae te Hupirimi Kooti he nui ano era take mo te korenga o taua riti i puta. Kaore ano he pai kia puta ki te kai-pitihana i runga i te whakatau a te Hupirimi Kooti erangi he maha ana rau pauna kua ngaro i aua whakawa. No reira ka inoi ia kia whakaritea etahi huarahi e taea ai te whakamana nga whakataunga, nga kupu-ki, me nga riti a te Hupirimi Kooti o Niu Tireni.
Kua whakahaua ahau kia ki penei:—
No te mea ko te kai-pitihana te kai-pupuri i te Karauna karaati, a i runga i tena e tika ana i te ture tona take ki taua whenua, engari e maharatia ana tera ano pea i tau he tetahi mate ki nga Maori i runga i te whakaputa o te Karauna karaati. Kua roa noa atu aua Maori e noho ana i runga i taua 163 eka i whakaurua nei ki roto ki te karaati. No reira ka whakahaua e te Komiti te Kawanatanga kia rapua taua raruraru a kia whakaotia tikatia i runga i te ata whakaaro i nga take katoa.