[Translation.]
No. 279, Session II.—Te Pukapuka-inoi a Hemi Tautari.

E ki ana te kai-pitihana kua ono tau ia e whakahaere ana i tetahi kura mo nga tamariki wahine a nga Maori, na ko nga whare nana tonu i whakaara a kihai tetahi wahi i riro ma te Kawanataga. I whakaae ano a Ta Hori Kerei raua ko Te Hiana ki te tuku ake kia karaatitia ki a ia me nga riiwhi o muri i a ia tiaki ai hei oranga mo taua kura tetahi piihi o te whenua Karauna kia 16 eka, e takoto ana i waenganui o te Rerewe o te Kawakawa me te awa. Na no runga i taua whakaae kua whakanuia e te kai-pitihana nga whare o tona kura a e inoi ana ia kia whakamanaia taua whakaaetanga.

Kua whakahaua ahau kia ki penei:—

Kia whakamaharatia atu tenei pitihana ki te Minita whakahaere mo nga kura, me tenei kupu atu kia rahuitia taua whenua mo nga tikanga kura.