[Translation.]
No. 169, Session II., 1879.—Pukapuka-inoi Hori Hare me etahi atu.

E ki ana nga kai-pitihana kia whakapaua nga moni £4,000 mo nga rori o to ratou takiwa. E ki ana ratou kaore e taea e te Kaute Kaunihera no te mea he meina rori, e hara i te rori e riro ana ma te Kaunihera e whakahaere. E inoi ana ratou kia awhina atu ratou no te mea kaore te Kawanatanga e whakapai ana i nga rori; ko nga huarahi kiore anake o o ratou tipuna e haerea ana e ratou, a ko nga rori ke o etahi takiwa e whakapaia ana. Timata taua rori i Okaihau, haere atu ki Pareokaira, haere atu Taumatamaukuuku, haere atu Maungaakahia, haere atu Waihou, ka whakawhiti ki Rangiahua, ka haere ki Huatau, ka haere ki Kiripaka, ka haere ki Umarewa, ka haere ki Pukahumanga, tae atu ki Houtere, ka puta i Maungamuka ka haere atu i reira ki te Takiwa o Mangonui haere ki Oporehumanga, haere ki Kotukutuku, haere ki Touwharawhara, haere ki Puketuatara, haere ki Te Arai, ka makere ki roto ki Te Ria, ka puta i te rori i hangaia e te Kawanatanga ki Wikitoria.

Kua whakahaua ahau kia ki penei:—

No te mea ko te Tari mo nga mahi nunui o te motu e whakarite ana mo taua rori mo tetahi wahi ranei; no reira e mea ana te Komiti me tuku atu tenei pitihana ki te Kawanatanga hei whakaarohanga pai ma ratou.