Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Reports of the Native Affairs Committee, 1879, No. 2.

Translation. — No. 292, 1878.—Pukapuka-inoi a G. P. Mutu me etahi atu

Translation.
No. 292, 1878.—Pukapuka-inoi a G. P. Mutu me etahi atu.

Ko nga kai-pitihana no te iwi o Ngaitahu e noho ana ki Kaiapoi, e inoi ana ratou kia whakaritea he whakawakanga mo o ratou take me o Ngatitoa, o etahi atu Maori ranei e hara nei i a ratou te take tuturu ake ki te whenua. E whakahe ana ratou kei whakaotia nga whakaaetanga mo nga take o Ngatitoa i runga i te raupatu; no te mea ko ratou ko Ngaitahu he iwi noho pai, kaore i pirangi ki te riri, ki te patu tangata ko Ngatitoa ke te iwi nana i timata te kino.

Kua whakahaua ahau kia ki penei:—

E kore e ahei te Komiti ki te tohutohu i tetahi huarahi penei me tenei e tonoa nei e nga kaipitihana. No te mea kua whakaaetia noatia atu te paanga o Ngatitoa ki aua whenua i mua atu o nga tau e rua te kau ma rima.

Na mo runga i tenei tu ahua pitihana e mea ana te Komiti kia whakamaharatia ake te Whare ki te kupu whiriwhiri o te 25 o Hepetema, 1878. Koia tenei: "Ko te whakaaro o te Komiti mehemea ka tino tirotirohia nga putake raruraru o nga take Maori kua whakahuatia e te pitihana e hara i te mea ma te Komiti whiriwhiri o te Paremete e mahi, kahore hoki he taima hei mahi i nga mea pera. E kore te Komiti e ahei te whakapuaki kupu me pehea ranei, me pehea ranei engari e ki aua ma te Kawanatanga e whakaaro."

13 Noema 1879.