Translation.
No. 41, Session I.—Pukapuka-inoi a Tamati Hokini Mete.

E ki ana te kai-pitihana no te tau 1869 ka whakaae ia ki te riihi i etahi whenua harakeke i nga Maori ake nona, ko aua whenua nei e takoto ana i te takiwa o Maketu. Na kihai i taea te whakaoti taua riihi i runga i te whakahaere a nga Apiha a te Kawanatanga mo te hoko o aua whenua. He roa nga korero a te kai-pitihana mo ana tuhituhinga ki te Tari Maori me a ratou whakaritenga ko nga Apiha a te Kawanatanga a maha noa atu nga tau e pera ana. Na e tono ana ia i naianei kia whakaorangia ia i runga i nga kupu whakahau a te Minita mo te taha Maori.

Kua whakahaua ahau kia ki penei:—

No te mea kua tino rapua e te Kawanatanga nga take o roto i te pitihana a kaore e kitea e tenei Komiti he tikanga kia whakatuwheratia ano taua korero.