No. 141, Session I.—Te Pukapuka-inoi a Hon. Robert Campbell.

E ki ana te kai-pitihana no te tau 1876 tokomaha nga Maori i noho mo nga wiki e ono ki runga ki tetahi rana e takoto ana i roto i te Takiwa Porowini o Otakou, ko ia hoki ko te kai-pitihana te kairiihi o taua rana, na kanui te raruraru me te mate i pa ki a ia i taua takiwa e noho ana ra nga Maori.

Kua eke atu ratou ki runga ki tetahi whenua ke atu e tata ana ki reira, engari e kino tonu ana te whenua o te kai-pitihana i a ratou te haerere i runga. E ki ana te kai-pitihana kua anga noa atu ia ki te pana i nga Maori, engari he whakarongo nona ki nga korero a te Kawanatanga i mea ma ratou e pana.

Kua whakahaua ahau kia ki penei:—

No te mea kua panaia nga Maori i runga i taua whenua i te marama o Hepetema kua hori nei, a, koi na hoki ta te kai-pitihana e hiahia ana heoi kaore he kupu tohutohu a te Komiti.