Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Reports of the Native Affairs Committee, 1878.

[Translation.] — Te Pukapuka-inoi a Perereka Tatana

page 24

[Translation.]
Te Pukapuka-inoi a Perereka Tatana.

E ki ana te kai-noi nona tetahi whenua i te takiwa o Ahuriri ko Omarunui te ingoa. I whakataua ki a ia te tika i te whakawakanga i te Hupirimi Kooti me te Kooti Huihui hoki i runga i te meatanga a nga Maori kia whakakorea tona take; a, ahakoa taua Whakataunga i nohoia iho taua whenua e aua tangata Maori ratou ko etahi atu kihai hoki ratou i Whakarongo ki te Apiha o te Hupirimi Kooti i tae ki te pana i a ratou i runga i to te ture tikanga. E ki ana ratou e kore ratou e puta ora ki waho o taua whenua. E ki ana taua Apiha mehemea i tohe tonu ia ki te pana kua tupu he raruraru a kahore ia i kaha i taua wa ki te pehi i nga tangata mehemea i tino tautohe ki a ia. Na kua whakaae te Kooti Hupirimi he take ano enei e kore ai e taea e taua Apiha taua mahi, a ko tenei kahore he painga i puta i nga Whakataunga a te Kooti ki te kai-inoi (ara ki a Tatana) engari rau atu ana moni kua pau. Koia ia i inoi ai kia kimihia he tikanga e ea ai nga kupu whakatau a te Hupirimi Kooti o Niu Tireni.

Kua whakahaua ahau kia ki penei atu ki te Whare:—

E pouri ana te Komiti notemea kahore ratou i whai takiwa ki te uiui i nga tikanga e taea ai e ratou te whakaputa i tetahi whakaaro ma ratou mo runga i nga kupu o tenei pukapuka-inoi.

Oketopa 26, 1878.