[Translation.]
Te Pukapuka-inoi a Rapata Kakarana ma.

No Mangonui no Pewhairangi nga kai-inoi e ki ana ratou e pouri ana ratou ki te whakaaro a te tangata e mea ana ki te whakakore i nga mana o te Maori e tika ana kia mau ki a ratou i runga i te Tiriti o Waitangi; e ki ana ratou he tangata piri pono ki te Kuini nga Maori o to ratou takiwa a he nui a ratou mahi ki te hapai i te mana o te Kuini. E ki ana ratou tera pea e puta he he mehemea ka whakararurarutia ka whakakorea ranei nga mana o nga Maori i tau ki a ratou i runga i te mana o te Kuini, a e ki ana nga kai-inoi pai atu te whakakore o te pooti a te Maori ki to Maori ano i te whakakore i te mana pooti e rite tahi ai ratou ko te Pakeha.

Kua whakahaua ahau kia ki penei atu ki te Whare:—

Notemea kua whai kupu te Komiti mo etahi mea penei me tenei kua whakahuatia nei i roto i tenei pukapuka-inoi i runga i te kupu mo te pukapuka-inoi a Heremaia te Ara ma, kua puta hoki ta ratou whakaatu i ta ratou whakaaro kia tu tetahi Komihana ki te kimi, me tuku atu enei pukapuka-inoi me nga korero i puta i te aroaro o te Komiti ki te Kawanatanga, notemea e tau ana ki nga tikanga i kiia ai taua Komihana kia tu no reira e kore te Komiti e whakapuaki kupu mo nga kupu i whakaaria mai mo te pooti a te iwi Maori.