[Translation.]
Te Pukapuka-inoi a Hemi Manu.
E tono ana te kai-inoi kia utua ia mo nga taonga i tangohia i ngaro i te wa o te whawhai ki Waikato. E ki ana ia i he te whakahaerenga o tana tono i te aroaro o te Kooti, no reira i kore ai e whakaeangia ona mate.
Kua whakahaua ahau kia ki penei atu ki te Whare:—
Kua kitea e te Komiti i runga i nga pukapuka i whakaaturia ki a ratou i watea ano he takiwa ma te kai-inoi kia tae ai ia ki te aroaro o te Kooti i te tau 1865, a i tae atu ano he tono mana, engari he tapatapahi na ana kai-whaaki korero i a ratou korero ano na te kore tikanga hoki o aua korero i kore ai te Kooti e whakaae he tika te tono a te kai-inoi. Koia i kore ai te Komiti e kaha ki te tohutohu atu ki te Whare ki whakaarohia paitia te tono a te kai-inoi.