[Translation.]
Te Pukapuka-inoi a Te Korowhiti Tuataka (Mrs. Douglas).

E ki ana te kai-inoi—he tangata Maori ia no Wairoa i te taha ki te Tai Rawhiti o te Ika-a-Maui—I he te hapanga o toua ingoa i roto i tetahi Karauna karaati ahakoa i whakaaetia ko ia tetahi o nga tino tangata no ratou taua whenua. Hokona ana e Kapene Morihi te whenua i nga tangata o to karaati a e tono ana ia inaianei kia whakamana taua hoko e te Kawanatanga. E ki ana te kai-inoi kua maha ana tona ki te Kawanatanga kia whakaputaina he oranga ngakau ki a ia, kihai i whakaaetia no reira kua tahuri mai ia ki te Paremete tono ai.

Kua whakahaua ahau kia ki penei atu ki te Wkare:—

(1.)	I runga i nga korero kua puakina i te aroaro o te Komiti e whakaaro ana ratou i whai tikanga ano te kai-inoi kia whakaurua tona ingoa ki roto ki te piihi whenua e uru nei enei ingoa a Pukepoto, a Ohauiti, me Te Karae ki roto kei te takiwa o Tauranga engari kahore te Komiti e marama ki te whakarite i te nui i te iti ranei o ona paanga ki reira.
(2.)	He wareware pea no tona iwi ki a ia i hapa ai tona ingoa i te karaati inahoki i puta he kupu pera i te aroaro o te Komiti.
(3.)	Kahore he take i whakapono ai te Komiti, a kahore ratou e whakapono i awhina a Te Karaka, o te Tari Maori, i a Kapene Morihi i tana hokonga i taua whenua.
(4.)	Kahore te Komiti e marama ki te whakarite i te nui i te iti ranei o te paanga o tenei wahine mehemea ia e whai paanga ana ia, koia te Komiti i mea ai ki te Whare he mea pai ki ta ratou whakaaro kia whakaturia tetahi Komihana kia kotahi Kai-whakawa kia kotahi Ateha o te Kooti Whenua Maori ko to raua mana ko te mana tonu o te Kooti ma raua o kimi te ahua me te nui o te take o te kai-inoi ki te whenua kua whakahuatia i runga ake nei ma raua e whakaatu nga take i ngaro ai te ingoa o Te Korowhiti i roto i te Karauna karaati.
(5.)	Engari ko tenei kupu a te Komiti kaua e waiho hei tauira mo etahi atu whenua kua whakawakia i te aroaro o te Kooti Whenua Maori.
(6.)	Ki te whakaaro o tenei Komiti kaua etahi atu wahi o te whenua i Tauranga i whakahokia e te Kawanatanga ki nga Maori e tukua kia hokona, kia riihitia ranei mo nga tau nuku ake i te rua tekau ma tahi engari ko aua riihi me mahi i runga i te hoko karangaranga anake kia mohio ai te katoa, i runga ranei i te uiui ki te katoa kia kitea ai ko wai ranei te tangata e utu i te utu nui.