[Translation.]
Te Pukapuka-inoi a E. F. Harris.
He hawhe-kaihe to kai-inoi no Turanga, e ki ana ia e whai take tika ana ratou ko ona whanaunga ake ki tetahi wahi o Patutahi ko Taputoho te ingoa. Kahore te kai-inoi i uru ki te tuhituhi i tona ingoa ki to pukapuka tuku i riro ai te whenua ki te Kawanatanga, engari i tuhi ia i tetahi pukapuka ki te Kawanatanga i te marama o Ahuhata, 1869, he whakahe kei raruraru ona take ki taua whenua i runga i te mana o taua pukapuka. E tono ana te kai-inoi kia utua ratou ko ona whanaunga mo te ngaronga o to ratou whenua.
Kua whakahaua ahau kia ki penei atu ahau ki te Whare:—
I runga i nga korero i korerotia i te aroaro o te Komiti e whakaarohia ana e whai take ana ano pea te kai-inoi ki te tono, koia i mea ai te Komiti he mea pai kia tukua atu tenei tono ki te Kawanatanga kia whiriwhiria ai e ratou kia uiuia ai nga tikanga.