[Translation.]
Te Pukapuka-inoi a Rora Mete Kingi Paetahi ma.
E ki ana nga kai-inoi no te iwi Ngarauru ratou, a i runga i te tikanga Maori e whai take ana ratou ki tetahi whenua tona nui e 5,790 eka kei waenganui o Waitotara o Whenuakura. E whakaae ana ano nga kai-inoi i uru te nuinga o to ratou iwi ki te mahi mau patu ki te Kuini, a tangohia ana taua whenua mo taua mahi a ratou, engari kahore nga kai-inoi nei i uru ki taua hara; a e inoi ana ratou kia whakahokia ki a ratou taua whenua tetahi ata whenua ranei e rite ana te pai me te nui ki tera.
Kua whakahaua ahau kia ki penei atu ki te Whare:—
E kitea ana i ata whakarangona nga korero katoa mo nga tono a nga kai-inoi i te aroaro o te Kooti Whakawa mo nga whenua i tangohia i tu nei ki Whanganui i te tau 1867. Kahore te Komiti e marama ki te mahi hou ano i taua whakataunga, a ekore hoki ratou e tohutohu atu kia whakaarohia paitia te tono a nga kai-inoi.