[Translation.]
Te Ture Whakamana i nga Karauna Karaati o Whakatane.

I Tukua tenei Ture ki te Komiti mo nga mea Maori i te 7 o nga ra o Oketopa, 1878, a i runga i ta ratou ata whiriwhiringa i nga tikanga katoa o taua Ture, me ta ratou uiuinga hoki ki a Te Hiana, ki a Te Karaka, ki a Kanara Witimoa, e whakaaro ana ratou me whakamana tenei Ture notemea kua oti nga tikanga mo etahi o enei whenua kua whakaaetia hoki e te Kawanatanga ekore hoki e marama kia takahia te mea i whakaaetia e te Kawanatanga i te ra e whiti ana; a e whakaaro ana hoki tenei Komiti i runga i te tikanga o tenei me etahi atu whenua e puritia ana i runga i te tikanga tiaki me matua panui i runga i te tikanga karangaranga katahi ka marama kia whakaaetia te hoko te reti ranei; a kaua e roa ake nga tau e whai mana ai tetahi riihi i te rua tekau ma tahi tau. A, me tuhituhi hoki nga ingoa o nga tangata e whai tikanga ana ki aua whenua me whakarite hoki he tikanga e mana ai te whakatu riiwhi mo nga kai-tiaki ana mate ratou.