[Translation.]
Te Pukapuka-inoi a Wi Parata raua ko Hemi Matenga.

E ki ana nga kai-inoi ko raua nga tangata e whai take ana, mai i o raua tupuna, ki tetahi whenua ko Urenui-Onaero te ingoa kei Taranaki, a e whakaatu ana raua i nga tikanga o o raua take. E ki ana page 15raua kihai o raua take i kimihia e te Kooti Whakawa mo nga whenua i tangohia i noho nei i te tau 1866, muri iho ka whakaaria te moni ki a raua e £200 kihai i toro atu o raua ringa he iti no taua moni ki to raua whakaaro. E tono ana raua kia tino uiuia te tikanga o a raua tono, a kia utua hoki ki a raua tetahi utu tika.

Kua whakahaua ahau kia ki penei atu ki te Whare:—

Kua kitea e te Komiti kua kimihia nga tikanga o tenei tono e te Kawanatanga, a kua whakaaria ki a raua te moni e £200 hei whakaea i o raua take. E kore to Komiti e kaha ki te tino uiui i nga tikanga o tenei mea a ki to ratou whakaaro ma te Kawanatanga e whakarite he tikanga.