[Translation.]
Te Pukapuka-inoi a Hare Hongi Hika ma.

Ko nga kai-inoi no Ngapuhi a ko ta ratou kupu tuatahi tenei i puta mai tenei pukapuka-inoi i nga ngakau o nga tangata e mahara ana ki nga tikanga o te Kawenata o te Tiriti o Waitangi. E inoi ana ratou kia hanga tetahi whare tino pai ki te wahi i tuhia ai nga ingoa ki te tiriti; a ko te utu ma Kawanatanga e utu i roto i nga moni o te Koroni notemea ko taua tiriti to putake o aua moni. E whakaaro ana nga kai-inoi he wahi pai taua whare hei whakamaramatanga ma te Kawana i nga kupu a te Kuini mo te iwi Maori, a hei wahi whakawhetaitanga atu ma nga rangatira Maori mo nga painga i tukua ki a ratou e te Kuini.

Kua whakahaua ahau kia ki penei atu ki te Whare:—

E whakaaro ana te Komiti he mea pai kia ata whiriwhiria e te Kawanatanga te tikanga o tenei tono.