Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Reports of the Native Affairs Committee, 1878.

[Translation.] — Te Pukapuka-inoi a Ani Ngarae ma

[Translation.]
Te Pukapuka-inoi a Ani Ngarae ma.

E tono ana nga kai-inoi kia whakahokia ki a ratou tetahi whenua i hokoa tahaetia (ki ta ratou ki) e Te Moananui. I tino whiriwhiria nga tikanga o tenei mea e te Komiti mo nga mea Maori i te tau 1876 a ata whakarangona ana nga kupu a nga kai whaaki korero tenei te kupu whakatau a taua Komiti a tukua ana taua kupu ki to Kawanatanga:—

"Ko te Kupu a te Komiti mo runga i te Pukapuka-inoi a Ani Ngarae Honetana me ona Hoa e 2.

"E ki ana nga kai-inoi i whai take to ratou whaea a Ngarae ratou ko etahi atu ki tetahi piihi whenua kei Tauranga ko Te Rereatukahia te ingoa, a no tona matenga kua whakakorea to ratou paanga ki te whenua i runga i te whakaputanga o tetahi Karaati ki te tangata kotahi anake, ko nga whanaunga o Ngarae i kapea ki waho.

"E kitea ana ko tenei piihi whenua i whakahokia ki a Moananui ki a Ngarae i te wa e whakaritea ana e te Kawanatanga te hokonga o Te Puna o Katikati. Muri iho ka tono a Moananui ki te Tari Maori i Tauranga kia tukua te Karaati kia puta i runga i tona ingoa anake, i whakaae ano hoki ia ki te whakarite i etahi whenua ko atu mo Ngarae ratou ko ana tamariki a e kitea ana i whakaae te Tari Maori.

"Kua whakahaua ahau kia ki penei atu ki te Whare:—E whakaaro ana te Komiti kaua aua tu mana e whakahaeretia engari i te aroaro o te katoa kia kite hoki kia whakaae ranei nga tangata katoa e whai tikanga ana. Engari i whakaaturia ki nga apiha o te Tari e Te Moananui he whenua ki Matakana, e kiia ana hoki e te Tari Maori o konei ka karaatitia ki te kai-inoi me era atu tamariki a Ngarae.

"Kua tata tenei ki te ono o nga tau kua pahure nei i muri iho o te whakariteritenga koia i whakaaro ai te Komiti me whakamana taua whakariteritenga i runga i nga tikanga o te Ture kaua e whakaroaina.

"John Bryce,
"Tumuaki.

"Oketopa 20, 1876."
page 7

Kua whakahaua ahau kia ki penei atu ki te Whare:—

Kahore he kupu hou ma te Komiti ko taua kupu o te tau 1876 ka tuaruatia ano inaianei.

Hepetema 13, 1878.