[Translation.]
Ko te kupu a te Komiti mo runga i te Pukapuka-inoi a Hohepa Paraone me tetahi atu.

Ko nga kai-inoi he Maori no te Takiwa o Hauraki e mea ana i tukua e raua tetahi wahi whenua ke Hauraki ki nga Weteriana mo nga mahi karakia anake, engari kua rangona inaianei, me te nui o to raua pouri, tera e hokona taua wahi ki te iwi whakahaere kura o Akarana. A e inoi ana raua kia meatia he tikanga e pumau tonu ai taua wahi mo te mea i whakaritea ai.

Kua whakahaua ahau kia ki penei atu ki te Whare:—

E whakaaro ana ano te Komiti he tika kahore i whakaritea kia taea te hoko te tuku ke atu ranei taua wahi i runga i nga whakaritenga i te tukunga o taua wahi i te tuatahi. Engari e mea ana te Komiti e kore e taea e ratou te mahi he tikanga ma te Whare e kore ai e taea e nga kai-tiaki te mahi i nga tikanga kua hoatu kia ratou e te ture kaore nei i te whaka hengia e nga kai inoi.