[Translation.]
Ko te kupu a te Komiti mo runga i te Pukapuka-inoi te a iwi o Ngatitoa.

Ko tenei pukapuka-inoi no tera tau i tukua mai ai a i whakahokia mai ki te Komiti notemea kahore te Komiti o tera tau i whai kupu tuturu ki te Whare:—

No Ngatitoa nga kai-inoi, e ki ana ratou i te wa i hokona ai nga whenua e tata ana ki Poneke i muri iho ranei, i whakaae a Ta Hori Kerei kia whakaritea etahi porowhita mo nga Maori a ko aua whakaaetanga kahore ano kia ea noa.

Kua whakahaua ahau kia ki penei atu ki te Whare:—

Kua rangona e te Komiti te korero a Te Karaka, o te Tari Maori, mo runga i tenei pukapuka-inoi, a e whakaaro ana te Komiti ma te Kawanatanga e ui nga tikanga o tenei mea a me hoatu ki nga kai-inoi era painga e kitea ai e whai tikanga ai ratou, a mehemea ka kitea e tika ana ki whiwhi nga kai-inoi ki te whenua me hoatu ki te wahi ki nga wahi ranei e pai ai mo nga kai-inoi, kaua e meatia rawatia ki nga wahi i kiia ai hei takotoranga mo aua whenua i te tuatahi.