[Translation.]
Ko te kupu a te Komiti mo runga i te Pukapuka-inoi a Paraone Hinaki ma.

E tono ana nga kai-inoi kia kaua e hanga he Ture mo nga whenua Maori i tenei tau kia ahei ai nga iwi e rua ki te hanga tahi i tetahi Ture pai a te tau e haere ake nei.

Kua whakahaua ahau kia ki penei atu ki te Whare:—

Notemea kua unuhia ki waho o te Whare inaianei nga Ture i kiia ra kia mahia mo nga whenua Maori kahore te Komiti i whakaaro kia whai kupu tuturu ratou mo runga i tenei pukapuka-inoi, engari e mea ana ratou ki te Whare kia whakaarohia nga kupu o tenei pukapuka-inoi a te wa e korerotia ai nga tikanga mo nga whenua Maori i te aroaro o te Whare.