[Translation].
Ko te kupu a te Komiti mo runga i te Pukapuka-inoi a te iwi o te Parawhau.
No te Parawhau enei kai-inoi e noho ana ki Whangarei, e ki ana ratou i noboia e te pakeha i nga tau o mua tetahi whenua o ratou ko Kaherutahi te ingoa; a muringa iho kua karaatitia ki a ia e te Kawanatanga—engari e ki ana nga kai-inoi kahore rawa i hokona taua piihi whenua e te Kawanatanga kihai hoki i tukua atu e nga tangata no ratou te whenua. Koia ratou i inoi ai kia uiuia nga tikanga a kia utua ratou ki te moni kia whakaeangia ranei to ratou mate i runga i tetahi atu huarahi.
Kua whakahaua ahau kia ki penei atu ki te Whare:—
page 32Kahore kau i whakatakotoria ki te aroaro o te Komiti he korero kei hapai kei whakamarama i nga kupu a nga kai-inoi i whakapuakina i roto i ta ratou pukapuka-inoi engari e kitea ana i runga i nga korero a Meiha Whiwhi i te aroaro o te Komiti kei roto taua whenua i nga pukapuka hoko kua ata tuhituhia. Koia i kore ai te Komiti e kaka ki te ki atu kia ata whiriwhiria paitia e te Whare te tono i roto i te pukapuka-inoi.
John Bryce.
Tumuaki.