Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Reports of the Native Affairs Committee, 1877.

[Translation.] — Ko te Kupu a te Komiti mo runga i te Pukapuka-inoi a Hotereni Taipari me tetahi atu

[Translation.]
Ko te Kupu a te Komiti mo runga i te Pukapuka-inoi a Hotereni Taipari me tetahi atu.

E ki ana nga kai-inoi, i hoatu e ratou, i te whakatuwheratanga o te whenua koura i Hauraki, tetahi eka whenua i te taone o Hotereni, i waenganui pu o te Takiwa keri koura. Ko taua whenua i hoatu ki te Kawanatanga hei tunga mo te Whare-whakawa me etahi atu whare tuturu ki reira. E ki ana hoki ratou kua nukuhia nga Kooti ki tetahi atu wahi a e mea ana ratou ko te whenua i hoatu ra e ratou mo tetahi mea kua mutu nei tona tikanga me whakahoki ki a ratou a e tono ana ratou kia whakahokia te whenua ki a ratou.

Kua whakahaua ahau kia ki penei atu ki te Whare:—

Ko te whenua e whakahuatia ana e nga kai-inoi he mea hoatu mo etahi tikanga e tau ana ki te katoa i runga i tetahi korero a-ngutu a nga Maori ratou ko Te Make i runga i etahi whakariteritenga, ko aua whakariteritenga kua hapa inaianei. I runga i nga tikanga katoa o tenei mea e whakaaro ana te Komiti ko te mea marama kia utua ki nga Maori no ratou te whenua te utu tika mo te whenua, haunga ia mo nga whare me nga whakapaipaitanga i runga i te mea ka whakatuturutia rawatia ki te Kawanatanga te whenua me nga whare e tu ana i runga.

John Sheehan,
Chairman.

Oketopa 5, 1877.