[Translation.]
Ko te Kupu a te Komiti mo runga i te Pukapuka-inoi a Wiremu Puataata ma. (No te tau 1876 i tukua mai ai.)

Ko tenei pukapuka-inoi no tera tau i tukua mai ai, a i whakahokia mai notemea kahore te Komiti o tera tau i whai kupu tuturu ki te Whare.

page 23

Ko tenei pukapuka-inoi na etahi Maori o Pewhairangi e ki ana ratou kua tinihangatia o ratou whenua i runga i te whakahaere a te Kooti Whenua Maori a e inoi ana ratou kia utua ratou ki te £50 pauna mani kia whakahokia ranei ki a ratou 1,000 eka whenua.

Kua whakahaua ahau kia ki penei atu ki to Whare:—

E kitea ana i runga i nga korero i whakapuakina i te aroaro o te Komiti kahore te Kawana i roto i tona Runanga i whakaae ki te tono kia whakawakia tuaruatia tenei whenua i runga i te tohutohu pera mai a te Tumuaki o nga Kai-whakawa. I runga i te tikanga o te ture kei te Kawana i roto i tona Runanga he mana whakaae pehea ranei a kahore he whakaaturanga i tae mai ki te Komiti e kiia ai kihai taua mana i whakahaerea tikatia. Kahore he mea ma te Komiti, heoti ana ra he tuku i te pukapuka-inoi ki te Kawantanga kia tirohia e ratou.