[Translation.]
Ko te Kupu a te Komiti mo runga i te Pukapuka-inoi a A. T. Patene ma.

Ko nga kai-inoi he tangata Maori no Waikato, a e tono ana ratou kia kaua e whai mana nga Ture Rori Pooti i roto i to ratou takiwa notemea kahore nga Maori e kaha ki te utu i nga tokowha, a ko te tukunga iho ko nga whenua e riro i te hoko ka rawakore nga uri. He kupu whakahe ano, kei roto i te pukapuka-inoi, mo "Te Pire Kooti Whenua Maori, 1877."

Kua whakahaua ahau kia ki penei atu ki te Whare:—

Mo runga i te hiahia o nga kai-inoi kia kaua e tonoa he utu takowha mo nga rori i a ratou, kahore te Komiti e whakaaro he mea tika he mea marama ranei kia whakarerea ketia te Ture ki te whakamama atu i nga utu takowha mo nga whenua Maori i tona tikanga o naianei. A mo nga kupu me nga whakaaro a nga kai-inoi mo "Te Pire Kooti Whenua Maori, 1877," e mea ana te Komiti ma te Whare ma te Kawanatanga e titiro a te wa e whiriwhiria ai te Ture e kiia ana ka homai mo taua mea.