[Translation.]
He Kupu na te Komiti ake.

Kua whakahaua ahau kia whakaatu ahau ki te Whare i whakaaetia te Kupu i raro iho nei e te Komiti mo nga mea Maori i te 7 o Akuhata, 1877.

Me tono ki te Kawanatanga kia whakahaua kia homai ki tenei Komiti tetahi mapi o te Ika-a-Maui hei te mapi nui, me mau enei whakaaturanga ki runga, he kara ke mo ia mea, ara:—

1.	Nga whenua a te Pakeha, me wehe nga whenua i hokona e nga Pakeha noa iho i nga Maori, me nga whenua i hokona e te Kawanatanga.
2.	Nga whenua i tangohia mo te hara o te iwi, kahore ano kia hokona.
3.	Nga whenua e whakatoea ana mo nga Maori.
4.	Nga whenua e mau ana ki nga Maori, i runga i te mana tiwhikete, pukapuka whakamaharatanga take Karauna karaati hoki.
5.	Nga whenua kei nga Maori e takoto papatupu ana.