[Translation.]
Ko te kupu a te Komiti mo runga i te Pukapuka-inoi a Ruiha Teira ma. (No te tau 1876 i tukua mai ai.)

No tera tau i tukua mai ai tenei pukapuka-inoi, i whakahokia mai notemea kihai te Komiti o tera tau i whai kupu tuturu ki te Whare:—

E ki ana nga kai-inoi kua tangohia etahi o o ratou whenua, e tata ana ki Taranaki, mo te hara o te iwi, engari, kahore ratou i uru ki te hara, e mea ana ratou kua whakaaetia ano to ratou tika e te Kawanatanga, otiia kahore ano kia whakaritea noatia. E tono ana ratou ki te Whare kia whakamaramatia he tikanga mo ratou.

Kua whakahaua ahau kia ki penei atu ki te Whare:—

Kua tino kitea rawatia he take pouri ano to nga kai-inoi e rite ana ki nga kupu o te pukapuka-inoi. I runga i nga korero i whakapuakina i te aroaro o te Komiti me nga pukupuka i whakaaturia mai e tino kitea ana kua whakaaetia ta ratou tono i roto i nga tau maha engari kahore i ata whakaotia. E whakaaro ana te Komiti me tere tonu te whakaea i te tono a nga kai-inoi a i te mea e whakaritea ana ta ratou tono me haere tika te whakaaro i runga i te maha o nga tau i puritia ai te mea i kitea ai e tika ana ratou (ahakoa iti taua mea).