[Translation.]
Ko te kupu a te Komiti mo runga i te Pukapuka-inoi a Hirini Taiwhanga ma. (No te tau 1876 i tukua mai ai.)

No tera tau i tukua mai ai tenei pukapuka-inoi i whakahokia mai notemea kihai te Komiti o tera tau i whai kupu tuturu ki te Whare.

E pouri ana nga kai-inoi notemea kahore i ata whakaarohia tetahi pukapuka-inoi a Ngapuhi i tuka mai ki te Paremete i te tau 1874 he whakahe ki te whakakorenga o "Te Ture mo nga Whenua Maori, 1865," e ki ana hoki ratou kahore i kitea he he i roto i nga tau e waru i tu ai taua Ture haunga ia i nga Maori kuare o Nepia.

Kua whakahaua ahau kia ki penei atu ki te Whare:—

Kahore he korero i whakapuakina i te aroaro o te Komiti i ahei ai ratou ki te ki e tika ana nga kupu i roto i te pukapuka-inoi. E mea ana te Komiti ma te Kawanatanga e titiro te pukapuka-inoi i te mea e kiia ana kia homai he Ture hou mo nga Whenua Maori a te tau e haere ake nei.