[Translation.]
Ko te Kupu a te Komiti mo runga i te Pukapuka-inoi a Takerei te Nawe ma.
E whakaatu mai ana nga kai-inoi i to ratou whakaaro he maha nga mate mo te iwi Maori kei roto i nga ritenga o Te Ture Kooti Whenua Maori e takoto mai nei i te aroaro o te Whare mehemea ka whakatuturutia hei Ture; a e whakaatu mai ana ratou i nga rarangi i kitea ai e ratou te tino kino, a e inoi ana ratou kia kaua e kaikatia te whakamana i taua Ture kia kaua hoki e whakamana i te mea kahoro e ata whiriwhiria rawatia e te Whare.
Kua whakahaua ahau kia ki penei atu ki te Whare:—
Kua oti te whiriwhiri te putake o tenei pukapuka-inoi e te Whare, a kua unuhia taua Ture, koia e kore ai te Komiti e whakaaro kia whai kupu ratou mo nga tikanga, o nga mea e whakahuatia ana i roto i taua pukapuka-inoi. Engari e mahara ana te Komiti notemea era ano e hanga he Ture mo nga Whenua Maori me ata whiriwhiri marire e te Whare, e te Kawanatanga hoki nga whakaaro e whakahuatia ana i roto i tenei me etahi atu pukapuka-inoi e rite ana ki tenei.
John Bryce,
Tumuaki.