[Translation.]
Ko te Kupu a te Komiti mo runga i te Pukapuka-inoi a Hone Kiwa ma.
E whakahe ana nga kai-inoi ki Te Ture Kooti Whenua Maori i homai nei ki te Whare i tenei nohoanga, a e inoi ana ratou kia hanga tetahi Ture e ahei ai nga Maori ki te whakahaere i o ratou whenua, kia kore rawa atu ai hoki nga raruraru o naianei.
Kua whakahaua ahau kia ki penei atu ki te Whare:—
Kua oti te whiriwhiri te putake o tenei pukapuka-inoi e te Whare, a kua unuhia tana Ture, koia e kore ai te Komiti e whakaaro kia whai kupu ratou mo nga tikanga o nga mea e whakahuatia ana i roto i taua pukapuka-inoi. Engari e mahara ana te Komiti notemea era ano e hanga he Ture mo nga Whenua Maori me ata whiriwhiri marire e te Whare, e te Kawanatanga hoki nga whakaaro e whakahuatia ana i roto i tenei me etahi atu pukapuka-inoi e rite ana ki tenei.
John Bryce,
Tumuaki.