Ko te kupu a te Komiti mo runga i te Pukapuka-inoi a Meiha Keepa Rangihiwinui me etahi atu.
E ki ana nga kai-inoi ko tetahi whenua kei Wairarapa e karangatia ana ko Moroa kaore rawa i hokona ki te Kawanatanga a e inoi ana kia whakahokia ki nga tangata ake no ratou.
Kua whakahaua ahau kia ki penei atu ki te Whare:—
Ko te whenua e korerotia nei i roto o te pukapuka-inoi he mea hoatu noatu ki te Kawanatanga i te tau 1853, ko taua hoatutanga i whakatikaia e tetahi pukapuka i te tau 1873, he mea tuhi na nga tangata i maharatia no ratou. A no naianei ano katahi ka mahara nga kai-inoi ki te whakahe i taua tuku. I runga i nga korero a Te Whatahoro tetahi o nga kai-inoi, e hara ta ratou i te whakahe mo te tukunga, engari mo te utunga i roto o enei tau ka pahemo ake nei i etahi moni ki etahi tangata toru toru nei, e eke ana ki tetahi wahi o taua whenua ki Moroa. Ko te whakaaro a te Komiti, ki te whakapuaretia tenei mea, ma tetahi tino Kooti e taea ai te whakaoti.
John Bryce,
Tumuaki.