[Translation.]
Ko te kupu a te Komiti mo runga i te Pukapuka-inoi a Hiko Piata.
E tono ana te kai-inoi kia whakahokia ki a ia tetahi pihi whenua i Wairarapa ko te take kua murua e nga kai-ruri i runga i ta ratou whakatakotoranga hetanga i tetahi raina ki runga ki tona whenua. E ki ana ia i tukua atu a Mr. Maunsell e te Kawanatanga ki te uiui i nga tikanga o taua mea a ki ana ia i he te whakatakotoranga o taua raina. E ki ana te kai-inoi kahore ano kia ea noa tona mate a e tono ana ia kia tirohia e te Whare kia whakaotia inaianei notemea e hiahia ana tona hoa pakeha ki te whakatu taiepa a kahore te kai-inoi e whakaae (ko te take e he ana te rohe).
Kua whakahaua ahau kia ki penei atu ki te Whare:—
E whakaaro ana te Komiti he mate ano to te kai-inoi he mea tika kia tirohia e te Kawanatanga inaianei tonu kia taea ai te whakaea tika.
John Bryce,
Tumuaki.