[Translation.]
Ko te kupu a te komiti mo runga i te Pukapuka-inoi a Patoromu Waituri me etahi atu.
E ki ana nga kai-inoi kua tahaetia to ratou whenua i Titirangi, Turanga, hei tanu. E ki ana ratou i whakaae ratou kia tangohia nga kowhatu hei whakapai i te rori, engari ko taua whakaaetanga i kiia he take tahaetanga i te whenua. A e inoi ana ratou kia whakaorangia ratou i runga i tenei mate i whakapangia ki a ratou e Raka i a Akuhata kua pahure ake nei.
Kua whakahaua ahau kia ki penei atu ki te Whare:—
Ko te whakaaro a nga kai-inoi kua tahaetia to ratou whenua kua tupu ake pea i runga i te tiro-hanga kautanga o te whenua e te kai-ruri o te taone o Turanga. Engari e tuturu ana te mahara o te Komiti kahore he whakaaro a nga tangata whakahaere o reira ki te tango he i te whenua i nga kowhatu ranei.
John Bryce,
Tumuaki.