[Translation.]
Ko te Kupu a te Komiti mo Runga i te Pukapuka-inoi a Te Moananui me ona hoa e 60
E ki ana nga Kai-inoi ko a ratou moni maina-raiti kahore e utua tikatia ana ki a ratou i nga ra i whakaritea ai a kahore e puta ana ki a ratou etahi moni a ratou.
Kua whakahaua ahau kia ki penei atu ki te Whare:—
I runga i nga kupu i whakina i te aroaro o te Komiti e mahara ana ratou kua korerotia hetia nga tikanga ki aua maori mo nga moni e puta ki a ratou i runga i te mana o te pukapuka whakaaetanga mo te keri koura ki Hauraki.
Ko nga pukapuka' moni e ahua tika ana te whakahaere a kahore i kitea tetahi whakaroanga take kore i te utunga o nga moni.
Engari e mahara ana te Komiti me whakatuwhera e te Kawanatanga tetahi tikanga kia ahei ai te tirotiro nga pukapuka moni e tetahi tangata tika e whakaturia ana e whakamana ana ranei e nga Maori.
John Bryce,
Tumuaki.