[Translation.]
Ko te Kupu a te Komiti mo runga i te Pukapuka-inoi a Hone te Awa me ona hoa 15.

E ki ana nga kai-inoi kua tinihangatia ratou i to ratou whenua e tata ana ki Tokerau inahoki i whakaae ratou i runga i te tono kia whakaurua ko te ingoa o tetahi tangata o Parore anake ki roto ki te Karaati.

E ki ana ratou i te hokonga o te whenua i te utunga o nga moni kahore ratou i whiwhi ki tetahi kapa kia kotahi o te moni utu a i ta ratou tononga ki te Kooti Whakawa Whenua Maori kia whakawakia tuaruatia ano taua whenua kihai i whakaaetia. E tono ana ratou kia utua ki a ratou £1,000 o roto o te moni utu kia whakahokia ranei ki a ratou 12,000 eka o te whenua.

Kua whakahaua ahau kia ki penei atu ki te Whare:—E pouri ana te Komiti notemea kahore ratou i whai taima ki te uiui i nga tikanga e taea ai e ratou te whakaputu i tetahi whakaaro ma ratou mo runga i nga kupu o tenei pukapuka-inoi.

page break