[Translation.]
Te Kupu a te Komiti mo runga i te Pukapuka-inoi a Maihi P. Kawiti.

E tono ana te Kai-inoi kia nukuhia tona penihana e wha nei te kau pauna (£40), i te tau kia tae ra ano ki te rua rau me te rima tekau (£250); a kia mau tonu iho hoki ki ona uri. Te take o tana tono e ki ana ia nana te mahi hoko whenua, te whakatu whare, me etahi atu mea i whai painga ai te pakeha; koia ia i kaha ai ki te tuku mai i tana pukapuka-inoi.

Kua whakahaua ahau kia ki penei atu:—Ki te whakaaro o te Komiti me tuku te pukapuka-inoi ki te Kawanatanga kia waiho ma ratou te whakaaro ki te whakahaere i ta ratou e pai ai.